Опыт тысячелетий. Православная культура переживания горя и трудностей

13 сентября 2016 г. в 06:46

Автор: Э.В. Гончарова, психолог, коучВидеоблог на YouTube

Для переживания горя и трудностей, для преодоления их, проживания их, а не пережёвывания их - именно так православная культура понимает процесс переживания, как правильное проживание - Православие дает верующим АКАФИСТ ПРЕСВЯТОЙ БОГОРОДИЦЕ ПРЕД ИКОНОЙ ЕЕ "ВСЕЦАРИЦА".

Этот канон настраивает на то, чтобы пред горем и трудностями человек не рассыпался в слезах и отчаяньи, не позволял себе впасть в состояние неутешной скорби, желая страданиями насытить глупое сердце, а собрался и преодолел трудный период при помощи вхождения в наивысшее наиэнергетичное состояние человека - в состояние радости.

У тебя горе, болезнь, лишения? Войди в состояние радости, и тогда ты пройдешь этот жизненный порог, преодолеешь его.

С помощью этой молитвы люди уже не один десяток лет исцеляются от рака: да, только те, кто могут в момент наитягчайший для себя - ввести себя в состояние радости и ликования.

Молитвослов

Акафист Божией Матери пред Ея иконой "Всецарица"

Кондак 1.
Новоявленней Твоей иконе, предстояще вернии умильно, воспеваем Ти, Всецарице, раби Твои; низпосли цельбы к Тебе притекающим ныне рабом Твоим, да вси радостно зовем Ти: Радуйся, Всецарице, недуги наша благодатию исцеляющая.

Икос 1.
Ангел предстатель с небесе сшед, рече Всецарице: радуйся! И боговещанным гласом воплощаема Тя зря, Господи, возопи к Ней таковая:
Радуйся, Главизно нашего спасения; радуйся, Исполнение Зиждителева смотрения.
Радуйся, яко Тобою Бог воплотися; радуйся, яко Невидимый в Тебе изобразися.
Радуйся, Милость мира внутрь приявшая; радуйся, одеяние плоти Слову соткавшая.
Радуйся, уму непостижная Горняя Славо; радуйся, сердца оживившая Небесная Манно.
Радуйся, Звездо, благодати сияние; радуйся, Источниче, живыя воды излияние.
Радуйся, Богородице, в Женах благословенная; радуйся, рождшая Спаса, Дево нетленная.
Радуйся, Всецарице, недуги наша благодатию исцеляющая.

Кондак 2.
Безначальное Слово Отроча младо Тобою бысть, исцеления подая Тя, Дево, чтущим и неизреченное Его Рождество воспевающим: Аллилуиа.

Икос 2.
Разум недоразумеваемый разумети Дева ищущи, возопи к служащему: Яко Отроковица чистая како буду Вышняго Матерь - изъясни; к Нейже Гавриил рече со страхом, зовый таковая:
Радуйся, Совета Вышняго Избраннице; радуйся, гласа молящихся Скоропослушнице.
Радуйся, Сокровище Христова мира; радуйся, людей Твоих Надеждо и Сило.
Радуйся, раковыя язвы дивная Губительнице; радуйся, прочих болезней Исцелительнице.
Радуйся, единое миру Заступление; радуйся, верное в скорбех Избавление.
Радуйся, плач и слезы присно утоляющая; радуйся, спасения входы всем отверзающая.
Радуйся, Скиптре и Державо Афон населяющих; радуйся, Жезле монахов и мирян.
Радуйся, Всецарице, недуги наша благодатию исцеляющая.

Кондак 3.
Сила Вышняго осенивши Тя, Отроковице, плоть прият неизреченно, показа Тя село сладкое, хотящим жати спасение и поющим: Аллилуиа.

Икос 3.
Прославися дивно святая икона Твоя, Всецарица именуемая, егда цельбоносно явися Богоматери изображение; вопиющим же пред нею с верою исцеления подаеши, да умножаются песни сицевыя:
Радуйся, Мати незаходимаго Света; радуйся претерпевших до конца Победо.
Радуйся, в болезнех и скорбех сущим Врачевание; радуйся, сирот и вдовиц Нерушимая Стено.
Радуйся, двери райския отверзающая; радуйся труждающихся и обремененных заступающая.
Радуйся, о спасении верных Ходатаице; радуйся, за род человеческий Молитвеннице.
Радуйся, Лествице небесная, возводящая от земли к небеси; радуйся, Водо живая, омывающая смертныя грехи.
Радуйся, Агнице, сердца незлобивых хранящая; радуйся, Покрове, чад Церкви осеняющий.
Радуйся, Всецарице, недуги наша благодатию исцеляющая.

Кондак 4.
Живот мирови даруя, Владыка мира вселися во утробу Твою неискусомужно; Матерь верных Тя показав, в мире тех воспевати призва: Аллилуиа.

Икос 4.
Преславная содеяшася о Тебе, Граде Божий, исцелениям бывающим от святыя иконы Твоея; цельбоносныя струи врачеваний приемлюще, благодарственно, о Всецарице, вопием:
Радуйся, Снадобие, боль утоляющее; радуйся, Прохладо, жар недужных остужающая.
Радуйся, прижигающая раковыя язвы аки пламенем; радуйся, подымающая со одра оставленных врачьми.
Радуйся, лик Свой Пречистый избранным являющая; радуйся, от греховных уз разрешающая.
Радуйся, яко Тобою избавление от смерти даровася; радуйся, яко Тобою безсчетный сонм верных оправдася.
Радуйся, Высото, человеческими помыслы неизследованная; радуйся, Глубино, единым Словом изведанная.
Радуйся, Пророчествие прежде Тебе бывших патриархов; радуйся, Наставнице Тебе молившихся иерархов.
Радуйся, Всецарице, недуги наша благодатию исцеляющая.

Кондак 5.
Пречистый Храм Спасов познахом Тя, Отроковице; к Тебе припадаем, Чистая, да нас соделаеши храмы Божества, вопиющих Ему: Аллилуиа.

Икос 5.
Видеша чини ангельстии на руку Твоею Создавшаго рукою человеки, и яко Владычицу разумевающе Тя едину, аще и Рабою Себе нарекла еси, потщашася песньми послужити Ти, Благословенней, сицевыми:
Радуйся, Богом поставленная превыше Небесных Сил; радуйся, чудесными исцеленьми исполняющая мир.
Радуйся, хвалу и славу от небес слышащая; радуйся, благодарение от земли приемлющая.
Радуйся, яко семя тли в сердцах потребила еси, радуйся, яко козней диавольских ярем сокрушила еси.
Радуйся, юдоль плачевную исполнившая радостию, радуйся скорби изменяющая в небесную сладость.
Радуйся, Благоухание Богу приятное, радуйся, кающихся грешников Веселие изрядное.
Радуйся, Броне правды от искушений, радуйся, Щите ограждения от вражды и нестроений.
Радуйся, Всецарице, недуги наша благодатию исцеляющая.

Кондак 6.
Проповедницы богоглаголивии, Спасовы ученицы, предсташа Ти, Дево, чудно, внегда от земли к небеси восходила еси, да единым сердцем и усты воспоют Богови: Аллилуиа.

Икос 6.
Возсия дивная благодать от иконы Твоея, Всецарице, егда юноша, ученьми сатанинскими омраченный, пред нею паде и недвижим бысть; паче чаяния же от уз мрачных свобожденный, со страхом и радостию взываше Ти сице:
Радуйся, Исправление нечестиваго жития; радуйся, Утешение страждущих люте.
Радуйся, бесовских полчищ от Церкве Отгнание; радуйся, мглы греховныя Разсеяние.
Радуйся, козней невидимых Упразднение, радуйся, демонских чар всемощное Одоление.
Радуйся, Светильниче, прельщенных наставляяй; радуйся, Облаче, невинных от зла покрываяй.
Радуйся, Холме, небесною манною питающий; радуйся, Долино, смирением Христовым насыщающая.
Радуйся, Каменю Небесного Царствия; радуйся, Зерцало превечнаго Света.
Радуйся, Всецарице, недуги наша благодатию исцеляющая.

Кондак 7.
Хотящу дати Себе в снедь верным, благоволил еси от Девы воплотитися, да приемлюще Пречистое Тело и Кровь Твою, познают Тя, Бога совершеннаго; темже дивящеся неизреченней премудрости сей зовем: Аллилуиа.

Икос 7.
Новое показа таинство явлься Зиждитель, со ученики свершивый Тайную Свою Вечерю; мы же моляще Всецарицу удостоити нас Божественныя Святыни, восписуем Ей сицевая:
Радуйся, Подательнице Небеснаго Хлеба; радуйся, Родительнице Вечнаго Живота.
Радуйся, Чаше, Христу приобщающая; радуйся, душу и тело с Богом сочетавающая.
Радуйся, Лжице златая, исполнь Божественных Таин; радуйся, драгий Кивоте, вместилище великия Святыни.
Радуйся, Персте, на святую Евхаристию указуяй; радуйся, Трапезо, предлагающая нам Пищу Святую.
Радуйся, достойных причастников одесную поставляющая; радуйся, ревнителей Божественныя Литургии от ада избавляющая.
Радуйся, приводящая смертных к Источнику безсмертия; радуйся, ограждающая чад Своих миром и крепостию.
Радуйся, Всецарице, недуги наша благодатию исцеляющая.

Кондак 8.
Странное Рождество видевше, житейское всякое отложше попечение, горе имеим сердца; на сие бо Вышний явися во еже привлещи Тому вопиющия: Аллилуиа.

Икос 8.
Неотступно в недрах Отеческих пребывая, Слово неописанное на земли плоть бысть; Бог Велий сотвори величие Деве и призре на смирение Рабы Своея, слышашия сицевая:
Радуйся, невместимаго Бога вместившая; радуйся, надмирнаго Творца миру явившая.
Радуйся, яко сокрушися смерти держава; радуйся, яко исцелися Адамова рана.
Радуйся, Пластырю, струпы душевныя заживляяй; радуйся, Елее, язвы телесныя умащаяй.
Радуйся, Утоление болезней раждающих; радуйся, Облегчение мук умирающих.
Радуйся, нанесшая поражение аду; радуйся, притупившая смерти жало.
Радуйся, Чаяние всеобщаго воскресения, радуйся, православных несумненное спасение.
Радуйся, Всецарице, недуги наша благодатию исцеляющая.

Кондак 9.
Всякое естество ангельское и человеческое удивися величию непостижимаго Твоего воплощения, Слове; недоумевающе же о сей велией тайне благочестия, со страхом и трепетом благодарственно зовем Ти: Аллилуиа.

Икос 9.
Многоразличными недуги одержимии, о Всецарице, от святыя иконы Твоея паче чаяния исцеления получают, да приимше верою благодать, велегласно взывают Ти:
Радуйся, здравых чад присное Сохранение; радуйся, болящих ко здравию Преложение.
Радуйся, детей недугующих Исцеление; радуйся, юных страдальцев Мати.
Радуйся, Востание, на одр болезни поверженных; радуйся, Отрадо страхом смертным одержимых.
Радуйся, яко внемлеши человеков рыданиям; радуйся, призревающая на наша стенания.
Радуйся, болей земных небесною радостию Растворение; радуйся, люте обуреваемых пачеестественное Терпение.
Радуйся, яко уготовляеши плачущим радость; радуйся, яко снабдевающи кротких крилома молитвы.
Радуйся, Всецарице, недуги наша благодатию исцеляющая.

Кондак 10.
Спасти хотя Зиждитель истлевшее грехом человеческое естество, сниде на Тя, яко дождь на руно, и купину Тя соделав неопалимую, Бог сый бысть человек, да воспеваем Ему: Аллилуиа.

Икос 10.
Стена еси девам, Отроковице чистая, и всем о чистоте радящим: в Тя бо вселися Бог, очищаяй разумныя создания Своя, да избывше всякия скверны предлагаем Ти сицевая:
Радуйся, молчания взыскующих Собеседнице; радуйся, Венче хранящих девство.
Радуйся, Начало и Конец духовнаго совершения; радуйся, Хранилище Божественнаго Откровения.
Радуйся, Троическаго Совета Таиннице; радуйся, спасения человеков Виновнице.
Радуйся, Вершино, гордым умам неприступная; радуйся, Убежище, смиренным сердцам доступное.
Радуйся, Чистая, небесе чистейшая; радуйся, Херувимов и Серафимов честнейшая.
Радуйся, Обрадованная, яко прияла еси от Архангела радование; радуйся, Утешенная, яко руце Твои осязасте воскресшаго Христа.
Радуйся, Всецарице, недуги наша благодатию исцеляющая.

Кондак 11.
Пение тщащеся разумное Спасу приносити, всегда неключими, Владычице, остаемся раби Твои; кто бо может достойно воспети Бога, Егоже имя яко миро излиянное; сего ради вопием Ему: Аллилуиа.

Икос 11.
Свет велий возсияв во тьме седящим, посети нас, о Дево, Восток свыше, Сын и Бог Твой; Тя соделав свещею на свещнице, светоносным чадом церковным наказует приносити Ти сицевая:
Радуйся, Заре Умнаго Солнца; радуйся, Вместилище Божественнаго Огня.
Радуйся, Свете, яко одеяние святых соткала еси; радуйся, Свеще, яко тьму бесовскую отгнала еси.
Радуйся, косных умов Просвещение; радуйся, грешных сердец Озарение.
Радуйся, Деснице, из моря суетствий изводящая; радуйся, Луче, путеводящая к Царствию спасающихся.
Радуйся, Молние, нераскаянных поражающая; радуйся, Громе, губителей устрашающий.
Радуйся, лукавыя совести Просветление; радуйся, Умилостивление Божия Суда.
Радуйся, Всецарице, недуги наша благодатию исцеляющая.

Кондак 12.
Благодать дати восхотев, Завета Ветхаго Податель Новый нам дарова; мы же, благодать приимше, не делы закона, но единою верою спасение улучивше, восписуем вси: Аллилуиа.

Икос 12.
Поюще Твое рождество, якоже древле Израиль в кимвалех сеновную скинию воспеваше, тако мы ныне Тя, Скинию истинну, добродетельми прославляем, да слышиши от всех сицевая:
Радуйся, Песне, воспеваемая горе; радуйся, Псалме, слышимый низу.
Радуйся, Единому Богу достойно послужившая; радуйся, Божественней Троице смирением угодившая.
Радуйся, веки Носящаго носившая в Себе; радуйся, Престоле Содержащаго Вселенную в руце.
Радуйся, Тайно неизреченная веков и времен; радуйся, Упование твердое народов и племен.
Радуйся, сердечное радование иереев благоговейных; радуйся, быстрое Слышание молитв церковных и келейных.
Радуйся, Премудрости Доме богозданный;радуйся, Милости Сосуде, Богом избранный.
Радуйся, Всецарице, недуги наша благодатию исцеляющая.

Кондак 13.
О Всецарице Мати, рождшая всех святых Святейшее Слово, нынешнее наше приявши песнопение, от всякия смертныя болезни исцели ны и будущаго избави осуждения вопиющих: Аллилуиа.
(Сей кондак глаголи трижды. А по сем чтется Икос 1 и Кондак 1).

Молитвы иконе Божией Матери "Пантанасса"("Всецарица")
Молитва 1.
О Пречистая Богомати, Всецарице! Услыши многоболезненное воздыхание наше пред чудотворною иконою Твоею, из удела Афонского в Россию пренесенною, призри на чад Твоих, неисцельными недуги страждущих, ко святому образу Твоему с верою припадающих! Якоже птица крилома покрывает птенцы своя, тако и Ты ныне, присно жива сущи, покрый нас многоцелебным Твоим омофором. Тамо, идеже надежда исчезает, несумненною Надеждою буди. Тамо, идеже лютыя скорби превозмогают, Терпением и Ослабою явися. Тамо, идеже мрак отчаяния в души вселися, да возсияет неизреченный свет Божества! Малодушныя утеши, немощныя укрепи, ожесточенным сердцам умягчение и просвещение даруй. Исцели болящия люди Твоя, о всемилостивая Царице! Ум и руки врачующих нас благослови; да послужат орудием Всемощного Врача Христа Спаса нашего. Яко живей Ти сущей с нами молимся пред иконою Твоею, о Владычице! Простри руце Твои, исполненныя исцеления и врачбы, Радосте скорбящих, в печалех Утешение, да чудотворную помощь скоро получив, прославляем Живоначальную и Нераздельную Троицу, Отца и Сына и Святаго Духа во веки веков. Аминь.
Молитва 2.
О Всеблагая, досточудная Богородице, Пантанасса, Всецарице! Несмь достоин да внидеши под кров мой! Но яко милостиваго Бога любоблагоутробная Мати рцы слово, да исцелится душа моя и укрепится немоществующее тело мое. Имаши бо державу непобедимую, и не изнеможет у Тебе всяк глагол, о Всецарице! Ты за мя упроси, Ты за мя умоли. Да прославляю преславное имя Твое всегда, ныне и в бесконечныя веки. Аминь.

Тропарь. глас 4.
Образом радостотворным честныя Всецарицы, Желанием теплым взыскающих благодати Твоея спаси, Владычице; избави от обстояний к Тебе прибегающих; от всякия напасти огради стадо Твое, к заступлению Твоему взывающее присно.

Комментарии (0):

Материалы по теме:

Картинка к "Что переживать при потерях"
01 окт. 2022 г.
Потери в жизни — неизбежны, по крайней мере люди в этом уверены.
0Подробнее →
Картинка к "Эмоциональный светофор"
01 янв. 2010 г.
То, что с нами произошло: мелочь или нет? Просто «не повезло» или «ужасно»?
Картинка к "Горе"
01 янв. 2005 г.
Горе - это тяжелое, темное, горькое, иногда чрезвычайно больное переживание с ощущением невозвратной потери. Дети не знают, что такое горе, дети осваивают, выучивают это переживание, перенимая его как образец социального поведения. При этом горе, как переживание, не очень близко маленьким детям.
Картинка к "Как преодолевать трудности"
01 янв. 2010 г.
Жизненные трудности бывают у всех, и не надо делать несчастные или отчаяные глаза, винить себя илидругих, охать и изображать усталость. Все, что нужно - это собраться (собрать себя), проанализировать ресурсы (поразмыслить, что или кто может помочь), продумать возможности (пути решения) и начать действовать. Проще говоря, включить голову и шевелиться в правильном направлении.
Картинка к "О смерти (А. Сурожский)"
12 мар. 2014 г.
У меня отношение к смерти своеобразное, и мне хочется объяснить, почему я к смерти отношусь не только спокойно, но с желанием, с надеждой, с тоской по ней. Русские умирают спокойно; западные люди чаще со страхом. Русские верят в жизнь, уходят в жизнь. И вот это одна из вещей, которые каждый священник и каждый человек должен повторять себе и другим: надо готовиться не к смерти, надо готовиться к вечной жизни.
Картинка к "Отношение к смерти"
12 мая 2014 г.
Смерть – естественное завершение жизни любого из нас и каждого из наших близких.
Картинка к "Работа горя по Кюблер-Росс"
10 нояб. 2017 г.
Работа горя по Кюблер-Росс - модель процесса умирания и сопутствующих этому процессу внутренних состояний человека.
Картинка к "Работа с душевной болью"
01 янв. 2012 г.
Работа с душевной болью - распознавание причины душевной боли, оперативное ее снятие и предупреждение нового возникновения душевной боли. Внимание - если у кого-то не просто душевная боль, а целая душевная рана, то данная статья ему не по адресу. Ушиб можно подлечить дома, а раны лечат в госпитале. Если у вас что-то серьезное, не занимайтесь самолечением, идите к специалисту.
Картинка к "Работа с неприятными переживаниями"
01 окт. 2022 г.
К неприятным переживаниям относят как отрицательные, так и негативные эмоции и чувства: то, что неприятно самому человеку и (или) является проблемой как для него, так для окружающих и для дела. Считая вторую сторону более важной, в дальнейшем мы будем вместо "неприятных" переживаний писать "негативные" переживания.